4-1, modë në Londër

Arsenal dhe Chelsea, kanë kaluar pa ndonjë problem të madh këtë xhiro në Premier League.

Ekipi i Arsene Wenger e mposhti Norwichin me rezultat 4-1 me dy gola të Mesut Ozilit (58’, 88’) dhe nga një të Wilshere-it (18’) e Ramseyt (83’), ndërsa për mysafirët i vetmi golashënues ishte Jonathan Howson (70’).

Kurse në ndeshjen tjetër, e cila po ashtu u luajt në Londër, ndërmjet Chelseat dhe Cardiffit, u arrit rezultati i njëjtë si në Emirates, 4-1.

Rolin e Ozilit me dy gola në Stamford Bridge e luajti belgu Eden Hazard (33’,82’), kurse rezultatin e përcaktuan edhe Samuel Eto’o (66’) dhe braziliani Oscar (78’).

Mesfushori 21 vjeçar i Cardiffit, Jordon Mutch, ishte realizatori i golit të nderit për ekipin e tij në minutën e dhjetë.