4 pa humbje, 4 pa fitore - pas 3 xhirove

Pas tri xhirove të zhvilluara në Superligë të Kosovës, katër ekipe janë ende pa humbje në elitë.

Ballkani, Drenica, Drita e Gjilani janë skuadrat që ende nuk kanë përjetuar disfatën këtë stinor.

Ndërsa në xhiron e radhës do të takohen pikërisht dy nga këto skuadra, ku Drita pret Ballkanin në atë që konsiderohet derbi i xhiros së katërt të Superligës.

Derisa Drenica udhëton te Ulpiana, Gjilani i shkon Prishtinës.

E prej katër ekipeve pa fitore edhe pas tri xhirove befasisht është edhe kampionja aktuale Prishtina. Bardhekaltërit presin Gjilanin që s’ka humbje, ku do të kërkojnë fitoren e parë të stinorit.

Pos Prishtinës, pa fitore janë edhe dy të ardhurit në elitë, Dukagjini e Ulpiana si dhe skuadra që garoi në Evropë gjatë verës, Llapi.

Derisa Llapi pret Malishevën në formë, Ulpiana pret Drenicën, Dukagjini i shkon Feronikelit në Drenas.

Xhiroja e radhës luhet në mesjavë, ndërsa orari përcaktohet gjatë ditës së sotme, ose më së voni nesër.