6 gola në 5 ndeshje

Newcastle United nuk ka arritur të thejë assesi West Ham Unitedin, derisa kërkonte fitoren e parë në Premier League. Ndeshja ka përfunduar me barazim 0-0, përkundër se laraskat e Alan Pardew u munduan për diçka më shumë. I përfoluri për kalim te Arsenali, Yohan Cabaye, përsëri nuk ka qenë në formacion të Newcastle. 

Stoke City ka mposhtur të promovuarin në ligë Crystal Palace duke e përmbysur epërsinë e mysafirëve në pjesën e dytë të takimit. Charlie Adam dhe Ryan Shawcross kanë shënuar golat për Stoke, derisa marokeni i ardhur nga Arsenali te Crystal Palace, Marouane Chamakh kishte dërguar ekipin e tij në epërsi në pjesën e parë. 

Evertoni gjithashtu ka dëshpëruar duke mos arritur asgjë përtej 0-0 ndaj West Bromwich Albionit, ndërsa Hull City ka arritur fitoren e parë në Premier League në stinorin e promovimit. Tigrat mposhtën Norwichin 1-0. 

Ekipi i Paolo Di Canios, Sunderland, përkundër se gjatë gjithë ndeshjes ishte në epërsi ndaj Southamptonit, në fund u desht që të kënaqen me barazim 1-1. Ish juventini, Emanuele Giacherini shënoi golin e tij të parë në Angli për Sunderlandin, para se Jose Miguel Fonte të barazonte dy minuta pa përfunduar ndeshja. 

Rezultatet dhe tabelën aktuale shikojeni këtu.