‘89shi deklason Gjilanin e stërpërforcuar

Edhe optimistët më të mëdhenjë në Mitrovicë veçanërisht, nuk e kanë pritur një debutim të tillë të trajnerit Shpëtim Idrizi në bankën e Trepçës’89.

Posaçërisht, kur përballë kishin kundërshtarin e stërpërforcuar në verë, Gjilanin e Gentian Mejzanit. Por, në fushë ishte një pamje tjetër.

Duke shfrytëzuar kundërsulmet dhe gabimet e mbrojtes së ende pa konsoliduar të Gjilanit, Ardian Muja (23’, 45’) ka shënuar dy gola në pjesë të parë të ndeshjes për epërsinë 2-0 të ekipit në pushim 15 minutësh.

TABELA AKTUALE

E asistuesi i golit të dytë, Arb Manaj (59’) me fillim të pjesës së dytë shutoi penalltinë për 3-0 të vendasve, pasi që kapiteni i Gjilanit Ylber Kastrati preku topin me dorë gjatë duelit me Mujën.

Më pas erdh edhe një penallti për vendasit, ku Leart Emini (66’) shënoi për 4-0, ndërsa deri në fund, Tomislav Busic shënoi golin e nderit për Gjilanin, gjithashtu nga penalltia (73’) dhe për të përcaktuar rezultatin përfundimtar.

Një start i tillë i ‘89shit për merak, derisa Mejzani me Gjilanin do të duhet të konsolidohen mirë e mirë, pasi që rastet që i patën nuk i konkretizuan dhe mbrojtja u tregua me shumë bira, për të pranuar 4 gola brenda ndeshjes.