LLAPI 4-1 VUSHTRRIA
Zabinjo përmbys Vushtrrinë, Llapi triumfon
17 August, 2019 @18:59
Kampioni i Ligës së Parë, Vushtrria, e ka nisur pjesën e parë të ndeshjes ndaj Llapit mbarë. Morrën epërsinë me golin e Jasmin Raboshtas në minutën e 20-të të ndeshjes 0-1 për të mbyllur pjesën e parë në avantazh.
Mirëpo, në pjesë të dytë në skenë për Llapin e Tahir Batatinës ka dalë sulmuesi me përvojë në Superligë, Enis Zabërxha.
Ai ka shënuar dy herë, për barazim dhe avancim të ekipit 1-1 e 2-1 (65’, 80’) që çoi ekipin te fitorja, për të cilën në fund u përkujdesën Arbnor Ramadani me golin e tij në minutën e 86-të (asist nga Zabërxha) të ndeshjes për 3-1 e ishi i vushtrriasve Labinot Osmani (asist nga Mentor Zhdrella) vulosi duelin duke shënuar për 4-1.
Përndryshe, e tërë treshja që shënoi gola për Llapin, ishin direkt të futur në pjesë të dytë nga trajneri Batatina.
Kështu Llapi e nis mbarë edicionin 2019/20 ndërsa Vushtrria me Bekim Shotanin në krye do të kërkojë pikë në njërën nga duelet tjera të stinorit.