FERONIKELI 4-1 DRENICA
Kampioni nis furishëm dhe fiton thellë
17 August, 2019 @18:54
Kampioni aktual i Kosovës, Feronikeli, ka kaluar lehtë pengesën e parë në stinorin e ri.
Feronikeli ka mposhtur sot Drenicën 4-1 në një fitore që u zgjidh në pjesë të dytë, pasi që pjesa e parë përfundoi 1-0 me golin e Kastriot Rexhës (41’), ku asistoi Da Silva.
Vetë Da Silva shënoi në pjesë të dytë (54’) për 2-0, derisa Kastrioti kreu dilemën e fituesit duke mbytur ndeshjen (69’) me 3-0.
Deri në fund, Diar Prokshi i Drenicës uli epërsinë (80’) për 3-1, ndërsa Besmir Bojku përcaktoi rezultatin përfundimtar (87’) 4-1.
Feronikeli e nis stinorin me 3 pikë në debutim të trajnerit malazias Dejan Vukicevic në Superligë, derisa Drenica me Tahir Lushtakun duhen kërkuar pikë në xhirot në vijim.