BILBAO - BARCELONA
Veterani Aduriz me gol akrobatik mposht Barcelonën
16 August, 2019 @22:50
Aritz Aduriz 38 vjeç që u fut 4 minuta para fundit të ndeshjes në lojë, në prekjen e parë të tij të topit, ka siguruar fitoren për Athletic Bilbaon ndaj Barcelonës kampione aktuale 1-0.
Aduriz ka pranuar krosimin e bashkëlojtarit me volej për të kërcyer dhe goditur në këndin e portës së Marc Andre Ter Stegenit për t’ia dhënë fitoren ekipit të tij.
Barcelona dominoi përgjatë gjithë ndeshjes, por asnjëherë nuk pati shumë raste, përkundër se me posedim ishte krejtësisht në favor të katalonasve.
Bilbao nis me tre pikë të plota stinorin në San Mames, ndërsa Barcelona ka nisur me humbje stinorin e LaLigas për herë të parë që prej vitit 2008.