DENIZLI - GALATASARAY
Rikthehen pas 10 sezonash dhe mposhtin kampionin
16 August, 2019 @21:31
Që në ndeshjen e parë të stinorit të ri të Superligës turke ka ndodhur befasia. Denizlispor, që u kthye pas 10 sezonash në Superligë, ka mposhtur Galatasarayin kampion aktual, duke e fituar ndeshjen 2-0, me dy gola të shënuar në 15 minutëshin e fundit të ndeshjes.
Recep Niyaz (75’) ka shënuar golin e parë, ndërsa Hugo Rodallega (90’) ka vulosur fitoren e ekipit të Denizlisporit, derisa Galatasaray prej minutës së 43-të të ndeshjes luajti me 10 lojtarë pasi që Marcao u përjashtua pas dy të verdhave, e më parë, Selçuk Inan kishte dështuar të shënojë nga penalltia në minutën e 29 të ndeshjes.
