A do të mbyllet sot gara për titull?

Tri ndeshje nga xhiroja e parafundit e edicionit të sivjetëm të Superligës luhen sot.

Nga 3 ndeshjet që luhen sot, dy prej tyre mund të jenë vendimtare në luftën për titull, ndërsa ndeshja e tretë luhet mes Llapit dhe Flamurtarit në Podujevë.

TABELA AKTUALE SUPERLIGA

Që të dy skuadrat që po luftojnë për titull, Drita e Prishtina, sot zhvillojnë ndeshje mjaft të vështira.

Skuadra gjilanase në shtëpi e pret Trepçën ‘89, kampionin aktual të Kosovës, që në këtë duel vjen pas dy fitoreve radhazi, kurse Prishtina sot luan si mysafire e Lirisë në Prizren.

Nëse të dyja skuadrat favorite fitojnë sot, titulli do të vendoset në xhiron e fundit në përballjen direkte, ku Prishtinës i duhet një fitore me 2 gola epërsi për t’u shpallur kampione, derisa Dritës i mjafton secili rezultat tjetër.

Të gjitha ndeshjet e ditës luhen me fillim nga ora 16:00.