WEST HAM - UNITED
Foto: premierleague.com
United vulos vendin e dytë
10 May, 2018 @22:37
Me barazim pa gola ka përfunduar takimi mes West Ham Unitedit dhe Manchester Unitedit sonte, që i takonte xhiros XXXI të Premier Ligës, e shtyer për shkak të ndeshjeve në FA Kupë.
Me këtë rezultat, United ka siguruar vendin e dytë edhe matematikisht në Premier Ligë, ndërsa West Ham i drejtuar nga David Moyes, në xhiron e shkuar ka siguruar mbijetesën.
REKORDI 0-0
Rezultati 0-0, shton edhe një karakteristikë jo për tu lëvduar te Manchester United. Prej se Sir Alex Ferguson ka dalë në pension në stinorin 2012/13, asnjë ekip tjetër në Premier Ligë nuk ka më shumë barazime 0-0 sesa Manchester United deri më sot (19 ndeshje, sa ka edhe Southamptoni).
