Wenger: Stinorin tjetër, Arsenali në garë për titull

Trajneri në largim i Arsenalit, Arsene Wenger, në një prononcim për Evening Standard ka thënë se ekipi i tij i deritashëm do të konkurrojë për titull kampioni në Premier Ligë stinorin që vjen.

Wenger, që ka paralajmëruar largimin në fund të këtij stinori nga banka e Arsenalit, ku ka shërbyer mbi dy dekada ka thënë:

“Jam i bindur që Arsenali do të jetë konkurrent për titull vitin që vjen. Kualitet në ekip ka. Në këtë ekip ka diçka speciale, e tëra që i duhet janë dy-tre rezultate të mira jashtë terrenit dhe do të shihni suksesin,” ka thënë Wenger për gazetën në fjalë.

Arsenal këtë stinor ka humbur rastin që të gjejë rrugë për Ligë të Kampionëve. U eliminua në gjysmëfinale të Europa Ligës. Ndërsa nuk arriti as të fitojë Kupën dhe as Kupën e Ligës - që ndonjëherë shërbente si ngushëllim për stinorin.