COPPA ITALIA FINALE: JUVE - MILAN
Foto: juventus/fb
4 gola për 20 minuta, për Kupën e radhës
9 May, 2018 @23:04
Ka ardhur edhe Kupa e katërt me radhë në vitrinat e Juventusit! Bianconerët me një seri golash në një periudhë 20 minutëshe të pjesës së dytë, kanë mbytur shpresat e Milanit në finale të Kupës së Italië, duke i mposhtur ata 4-0.
Mehdi Benatia ka hapur serinë e golave të Juventusit, kur shënoi me kokë pas kornerit të Miralem Pjanicit, ndërsa më pas Douglas Costa shënoi për 2-0.
Benatia shënoi edhe njëherë, ndërsa një autogol i Nikola Kalinicit përcaktoi rezultatin, 4-0.
Kupa e 13 për Juventusin, e katërta me radhë - dhe festa bianconere nis në Olimpico të Romës për të vazhduar më pas në Torino.
