Vendimi i vonshëm, trajneri i muajit bie nga elita

Sot ai u shpall për herë të parë në karrierë si trajner i muajit në Premier Ligë.

Darren Moore, trajneri që morri drejtimin e skuadrës deri në fund të stinorit, pas rezultateve të mira të arritur në muajin e kaluar - u shpërblye me epitetin trajner i muajit.

Mirëpo, fati nuk e deshi që ai këtë çmim ta festojë plotësisht, pasi që fitorja e Southamptonit ndaj Swanseat sonte, rrëzoi WBA-në nga elita.

Vendimi i kryesisë së WBA-së që të emërojë Moore-in në krye të shtabit teknik deri në fund të stinorit, në fillim të prillit - tash po duket që ka qenë i vonshëm, pasi që përkundër rezultateve, ekipi nuk arriti të shpëtojë.

Përndryshe, prej se Moore morri drejtimin e skuadrës, ëBA s’ka humbur ndeshje në Premier Ligë, duke regjistruar 2 barazime dhe 3 fitore në 5 ndeshjet e fundit.