MANCHESTER CITY - HUDDERSFIELD
City ngrit trofeun, Pep pranon: PremierLiga më e vështira
6 May, 2018 @21:13
Manchester City ka pasur festë sot pas ndeshjes ndaj Huddersfieldit, pasi që ka marrë trofeun e titullit të kampionit të Premier Ligës.
Sa i përket ndeshjes që përfundoi 0-0, rezultati i konvenoi Huddersfieldit, që po lufton për mbijetesë. Mirëpo, kjo nuk e zbehu aspak festën e citizens, të cilët në fund festuan me të madhe.
E Pep Guardiola pas ndeshjes ka thënë se më vështirë titulli fitohet në Premier Ligë, sesa në Bundesligë e La Liga.
Kurse sa i përket mbrojtjes së titullit ka shtuar: Anglia është vend i veçantë dhe është gjithmonë vështirë. Edhe sot e pamë. Asnjëherë s’e din kush do ta fitojë ndeshjen. Ne e humbëm pak fokusin në ndeshje sot, por kjo është normale. Mbrojtja e titullit? Në liga të tilla është tepër e vështirë, por e pranojmë sfidën.
