HAJVALIA - VUSHTRRIA
BOROZANI/A.P./Arkiv
Vushtrria 7she, në lojë për Superligë direkt
6 May, 2018 @19:45
Derisa Hajvalia po lufton për të shpëtuar stinorin në Ligë të Parë, Vushtrria ka kaluar me rafall golash në Kishnicë sot për të shënuar fitore të thellë 1-7 dhe për t’i mbajtur gjallë shpresat për Superligë.
Jetmir Topalli ka shënuar hat-trick, ndërsa nga një gol kanë shënuar Dior Zabërxha, Daut Maxhuni, Labinot Osmani dhe Bashkim Shala në fitoren e thellë.
Vushtrria pas kësaj fitoreje do të ketë rast direkt për të bërë pjesë në Superligë, pasi që luan me liderin, Ballkani, në xhiron që vjen, ndërsa në xhiron e fundit është mysafir i Kosovës së Prishtinës.
