BARCELONA - REAL MADRID
El Clasico me 4 gola e 9 kartonë
6 May, 2018 @22:42
Ka përfunduar me barazim dueli ndërmjet Barcelonës dhe Real Madridit në Camp Nou sonte, ndërsa Barcelona dy herë ishte në avantazh e Reali dy herë barazoi për përfundimtaren 2-2.
Tërë pjesën e dytë Barcelona e luajti me 10 lojtarë, pasi që Sergi Roberto u përjashtua në fund të pjesës së parë me karton të kuq.
Ndeshja u karakterizua me vendime diskutabile të referit, ndërsa Alejandro Hernandez gjyqtar kryesor, ka ndarë 9 kartonë në ndeshje, prej të cilave një të kuqe.
Barcelona vazhdon të jetë e pamposhtur dhe është vetëm tre ndeshje nga historia, për të përfunduar stinorin pa humbje.
