DANIMARKA
REUTERS
Agger mban danezët në lojë
10 September, 2013 @20:06
Danimarka e Morten Olsenit ka arritur të shënojë një fitore tejet të rëndësishme ndaj Armenisë sonte si mysafir në Yerevan, që i fut skandinavët në lojë për barazh të Kampionatit Botëror.
Fitorja daneze ka ardhë me golin e shënuar nga penalltia, të cilin e realizoi mbrojtësi i Liverpoolit, Daniel Agger. Kësaj i parapriu kartoni i dytë i mbrojtësit armen, Varazdat Haroyan, i cili me të shkaktuar penalltinë u përjashtua nga ndeshja për shkak të kartonit të dytë të verdhë.
Kjo fitore çon për momentin Danimarkën në vendin e dytë me 12 pikë, para se të luhen ndeshjet tjera të grupit. Për një vend në barazh nga Grupi B luftojnë edhe Bullgaria dhe Çekia. Italia ka mbetur vetëm matematikisht të sigurojë biletën për Brazil, pasi që është e para dhe nuk ka pësuar asnjë humbje nga shtatë ndeshje.
Italia ndeshet me Çekinë, derisa Bullgaria pritet të ketë punë të lehtë ndaj Maltës sonte.
EUROZONA, Grupi B, Tabela Aktuale:
| 1. Italia | 7 ndeshje | 17 pikë | |
| 2. Danimarka | 8 ndeshje | 12 pikë | |
| 3. Bullgaria | 7 ndeshje | 10 pikë | |
| 4. Çekia | 7 ndeshje | 9 pikë | |
| 5. Armenia | 8 ndeshje | 9 pikë | |
| 6. Malta | 7 ndeshje | 3 pikë |
