WEMBLEY
REUTERS/Eddie Keogh
Anglia ndalet nga Irlanda
29 May, 2013 @23:47
Përfaqësuesja angleze ka barazuar sonte në ndeshje miqësore në Wembley të Londrës. Skuadra e udhëhequr nga Roy Hodgson është ndarë me barazim 1-1 ndaj Irlandës modeste të udhëhequr nga italiane Giovanni Trapattoni.
Kanë qenë irlandezët që kanë kaluar në epërsi me golin e sulmuesit të West Bromwich Albionit, Shane Long, që në minutën e 13-të të takimit.
Mirëpo, epërsia e tyre nuk ka zgjatur shumë pasi që veterani, Frank Lampard, barazon rezultatin pas dhjetë minutave. Dhe derisa pritej që Anglia në vazhdim të shkatërrojë Irlandën - ata u ndalën tërësisht dhe nuk konkretizuan asnjë nga rastet duke u ndarë kokëulur nga tempulli Wembley.
Është interesante të ceket se Hodgson filloi takimin me katërshen sulmuese Wayne Rooney, Alex-Oxlade Chamberlain, Daniel Sturridge dhe Theo Walcott, por mbeti pa zgjidhje në sulm.
MIQËSORE:
| Anglia - Irlanda | 1-1 | Lampard 23' - Long 13' |
