Kocaman largohet nga Feneri

Aykut Kocaman ka dhënë dorëheqje nga posti i trajnerit të Fenerbahçes. Kështu ka bërë të ditur sot kanali turk NTV Spor, edhe pse në faqen zyrtare të klubit nuk ka asnjë informatë lidhur me këtë lajm. 

Trajneri që fitoi dy herë Kupën e Turqisë dhe një herë bëri kampion ekipin, sivjet ishte para finales së parë europiane me kanarinat e Stambollit, kur humbën nga Benfica në gjysmëfinale të Europa League. 

Sipas NTV Spor, pas takimit të mbajtur dje me kryetarin e klubit, Aziz Yildirim, Kocaman nuk ka rënë dakord me politikat e transferit të klubit dhe kjo ka qenë arsyeja kryesore për dorëheqjen e tij. Fenerbahçe ka përfunduar stinorin në vendin e dytë pas rivalit të madh, Galatasaray.