YLLI I KOSOVËS
Arbër Zeneli para rikthimit
3 February, 2020 @21:39
Lajmi më i mirë i mundshëm për reprezentacionin e Kosovës ka ardhur sot nga një postim i Arbër Zenelit në Instagram.
Futbollisti më i mirë i Kosovës në vitin 2018 ka postuar fotografitë e tij nga stërvitjet e rregullta me ekipin e Reimsit në Francë dhe ka bërë të ditur se shpejt pritet t’i rikthehet fushave të gjelbëra.
Zeneli, që po vuante nga lëndimi dhe pastaj u operua në qershor, pas ndeshjes me Malin e Zi, ka shkruar:
“Durim, AZ10 është gati për rikthim.”
Stade de Reims pritet të llogaris në shërbimet e Zenelit që në ndeshjet e radhës ndaj Nice-së ose Strasbourgut, derisa Kosova ka ndeshjen/t jetike në fund të muajit të radhës, kur luan ndaj Maqedonisë Veriore në Shkup dhe potencialisht ndaj fituesit të ndeshjes Bellorusia-Gjeorgjia.
