MEDIA
BOROZANI/Erdis Driza/Arkiv
‘Arbitrat nuk janë të dirigjuar nga askush’
6 April, 2015 @17:41
Njëshi i gjyqtarëve të Kosovës, Përparim Hasani, ka thënë se arbitrat nuk janë të dirigjuar nga askush dhe nuk referojnë kundër askujt.
Ai është prononcuar për Kohën Ditore sot, pasi që Hajvalia ka akuzuar rëndë si FFK-në, ashtu edhe arbitrin kryesor të ndeshjes Hajvalia-Besa, Artan Tahiri.
“Nuk mund të jetë asnjë arbitër kundër askujt. Asnjëri prej arbitrave nuk dirigjohet nga askush. Në përgjithësi unë janë i kënaqur me punën e tyre, por natyrisht që ka vend të përmirësohen,” ka thënë Përparim Hasani, kreu i Shoqatës së Gjyqtarëve të Federatës së Futbollit të Kosovës, FFK.
Hajvalia u mposht nga Besa dje në ndeshjen e xhiros së XXI të Superligës dhe vendasit akuzuan si referët ashtu edhe FFK-në për orkestrim të referimit.
Trajenri i Hajvalisë, Ismet Munishi, ka paralajmëruar tërheqjen e ekipit nga garat, derisa ka thënë se ekipit të tij iu anulua një gol i pastër dhe dy penallti në ndeshjen ndaj Besës.
Hajvalia gjindet në vendin e pestë të Superligës me 32 pikë të fituara nga 21 ndeshje të zhvilluara, derisa lider i Superligës është Ferronikeli me 41 pikë nga po aq ndeshje.
