MEDIA
Arsenali gati për supertalentin e ri
6 April, 2015 @16:39
Sulmuesi 16 vjeçar nga Argjentina, Maximiliano Romero, është pranë kalimit të gjiganti londinez, Arsenal.
Romero, i cili po konsiderohet si një super talent i futbollit, pas vlerësimeve të mëdha që ka marrë nga opinioni sportiv argjentinas, është shumë pranë nënshkrimit me Arsenalin.
Njoftimin e ka bërë të ditur vetë lojtari, i cili ka folur për TyC Sports të Argjentinës, duke thënë se:
“Bisedimet me Arsenalin janë në fazë të avancuar. Është një ngjarje e lumtur në jetën time. Duhet t’ia fillojë ta mësojë anglishten,” është cituar të ketë thënë Romero.
Ofertën e Arsenalit e ka konfirmuar edhe kreu i klubit të Velez Sarsfield, i cili ka thënë se Arsenal ka bërë ofertë të majme për sulmuein mbëdhjetar të tyre.
Sipas mediave angleze, Arsenal do t’i paguajë 4.4 milionë funta Velezit për Romeron, derisa futbollistit do t’i ipet rasti që edhe dy vite t’i kalojë në Argjentinë për tu pjekur edhe më.
