Arrin trajneri boshnjak te Liria

Trajneri boshnjak, Amir Alagic, ka arritur sot te Liria. Ai ende nuk është trajner zyrtar i Lirisë, por Bordi i ekipit do të vendos në ditët në vijim.

Sidoqoftë, ai ka nisur punën me ekipin bardhezi sot në Prizren.

“Kemi organizuar një mini-kamp ku kemi mbledhur futbollistët ndërsa qëllimi është që Alagic të njihet me lojtarët, qëllimet dhe objektivat e klubit. Në ndërkohë do të qartësohet situata, pas disa ditëve,” ka thënë kreu i ekipit prizrenas Mirsad Çollaku për faqen zyrtare të ekipit të Lirisë sot.

Alagic ka punuar më parë në Australi, Suedi, Arabi Saudite dhe ka drejtuar ekipin U21 të Bosnjes.