Artim Shaqiri largohet nga Flamurtari

Trajneri që nisi stinorin te Flamurtari i Prishtinës, Artim Shaqiri, është larguar nga ekipi duke dhënë dorëheqje pas barazimit të sotëm ndaj Drenicës, 0-0. Borozani.com

Shaqiri, siç ka bërë të ditur klubi përmes një njoftimi, është larguar për arsye personale dhe këtë ia ka komunikuar drejtuesve të klubit para ndeshjes dhe nuk është varë nga rezultati i takimit.

Flamurtari ka falenderuar Shaqirin për bashkëpunimin dhe profesionalizmin e treguar me ekipin, që e drejtoi për dhjetë xhiro në Superligë, duke shënuar 2 fitore, 3 barazime dhe 5 disfata.

Njëkohësisht, kuqezinjtë nga Xhemajl Ibishi kanë bërë të ditur se pasardhës i të larguarit Shaqiri do të jetë Sunaj Keçi.