Atletico eliminon kampionin evropian

Atletico Madrid ka arritur që të durojë furrinë e Liverpoolit në Anfield Road për të çuar ndeshjen në vazhdime ku ka goditur portën e Adrianit për të siguruar çerekfinalen e Ligës së Kampionëve.

Liverpool, kampion i vitit të kaluar në Ligë të Kampionëve, ka arritur që të neutralizojë epërsinë e Atleticos nga ndeshja e parë 0-1, pasi që Georginio Wijnaldum kishte shënuar (43’) për 1-0, rezultat me të cilin përfunduan 90 min lojë.

E në vazhdime, Liverpool shpejt arriti ta bëj rezultatin 2-0 përmes Roberto Firminos, por barazimi me Marcos Llorenten, gabimi i portierit të Liverpoolit Adrian, çuan në 1-2 rezultatin në të mirë të djelmoshave të Diego Simeones, që nuk u ndalën deri në fund dhe mbrojtën rezultatin, për të shënuar edhe një herë para fishkëllimës së fundit të gjyqtarit me anë të Alvaro Moratas për përfundimtaren 2-3 [Wijnaldum 43, Firmino 94 - Llorente 97, 105, Morata 120] dhe me rezultat të përgjithshëm nga dy ndeshjet 2-4 Atletico siguroi vend në tetëshen më të mirë të Evropës për këtë stinor.

Liverpool këtu përshëndetet nga garat evropiane për këtë sezon, derisa i mbetet tashmë të koncentrohet në 9 pikët që i duhet për të marrë titullin kampion në Angli.