Atletico s’gabon, 2 xhiro para titullit

Në një stinor ku secili kishte në dorë të vetë mundësinë për titull dhe nuk e arrinte nga gabimet e veta, tashmë duket se më së shumti po i bën mirë Atleticos.

Ekipi i Diego Simeones, kur kanë mbetur edhe dy xhiro deri në fund të stinorit në La Liga, ka shënuar fitore ndaj Real Sociedadit 2-1 [Carrasco 16, Correa 28 - Zubeldia 83] për të çuar dallimin në 4 pikë ndaj ndjekësit të parë Barcelona, dhe 5 ndaj Realit që ka një ndeshje për të zhvilluar më shumë.

Rojiblancos kanë qenë më të vendosur sonte për të shënuar dhe këtë e kanë bërë shpejtë, për t’i qetësuar synimet e mysafirëve, pasi që brenda 28-minutave të para të lojës shënuan dy herë dhe kështu ruajtën epërsinë deri në fund të ndeshjes për fitore minimale, pasi që rezervisti Zubeldia shënoi 7-minuta para fundit për të ngushtuar epërsinë e vendasve.

Kur kanë mbetur edhe 2 xhiro, Atletico ka në dorë të vetë titullin kampion. Në xhiron e parafundit pret Osasunën, ndërsa në të fundit i shkoi Valladolidit.