Të gjitha lajmet
Tabelat dhe Rezultatet

ARSENAL

Aubameyang ka humbur katër kilogram

Foto:Google

Aubameyang ka humbur katër kilogram


6 May, 2021 @15:03

Kapiteni i Arsenalit, Pierre-Emerick Aubameyang, ka zbuluar se familja e tij ishte e frikësuar nga humbja e katër kilogramëve, pasi ai u prek nga malaria ndërsa ishte në detyrë me kombëtaren në mars.

Sulmuesi gabonez humbi katër ndeshje pas diagnozës me këtë sëmundje.

Ai u kthye në humbjen gjysmëfinale të Europa League në Villarreal, javën e kaluar dhe është në radhë për të filluar ndeshjen e kthimit, pasi ka shënuar në fitoren e së dielës në Premier League në Newcastle.

Fillimisht sulmuesi nuk ishte në dijeni për sëmundjen, por duke parë simptomat, ai u konsultua me mjekun dhe e vërtetuan që ishte prekur nga malaria.

“Unë kisha tre ditë rresht ethe, tërë ditën dhe tërë natën, pa ndërprerje. Barnat që i përdorja nuk kishin asnjë efekt. Pas kësaj, unë fola me mjekun. Unë thashë se kisha nevojë të shkoja në spital sepse kisha udhëtuar në Afrikë, kështu që mbase ishte diçka si malarja. Kam qëndruar në spital për tre ditë. Isha vërtet keq dhe humba katër kilogramë”, tha Aubameyang.


 
Të gjitha lajmet nga Europa League