PARA TURNEUT
Bacca s’udhëton me Milanin
22 July, 2016 @9:57
Sulmuesi kolumbian i Milanit, Carlos Bacca, nuk ka udhëtuar me ekipin rossoner drejt SHBA-ve, ku Milan do të zhvillojë ndeshje të International Champions Cup në ditët në vijim.
Kjo ka bërë që spekulimet për kalimin e tij në Premier League, konkretisht, West Ham United, të përforcohen edhe më.
Bacca 29 vjeç kishte ardhur te Milani nga Sevilla në vitin e kaluar. Ai ka shënuar 18 gola për rossonerët në të gjitha garat deri sot.
Milan në anën tjetër ka bërë të ditur se Bacca është lënë në Milanello (me kërkesë të trajnerit Vincenzo Montella) për të kryer stërvitjet bashkë me Mattia De Sciglion për shkak të kthimit të vonshëm nga pushimet, pasi që kanë pasur obligime me reprezentacionet përkatëse dhe nuk ka të bëj me transfer listën.
