DUELET VAZHDOJNË
Ballkani pret liderin, Liga e Parë nesër
4 October, 2016 @12:27
Superliga e Kosovës në futboll mund të ketë pushim për shkak të ndeshjes së përfaqësueses së Kosovës, mirëpo jo edhe Liga e Parë e Kosovës në futboll, ku skuadrat janë duke garuar për të qenë pjesë e kremit të futbollit kosovar.
Kështu, në kuadër të xhiros së shtatë të Ligës së Parë të Kosovës në futboll, FFK ka bërë të ditur se të gjitha ndeshjet do të zhvillohen nesër me fillim në ora 15:00, ndërsa derbi i xhiros llogaritet dueli ndërmjet Ballkanit të Suharekës dhe Fushë Kosovës lidere, që zhvillohet në Suharekë.
Kiksin e Fushë Kosovës me padurim është duke e pritur Vllaznia e Pozharanit, që është mysafire e Rahovecit. Vllaznia me përvojën e mesfushorit Premton Muja është duke pritur mjaft nga ky stinor në Ligë të Parë.
