BESA - DRENICA
Besa e sigurtë ndaj Drenicës
16 November, 2016 @15:04
Skuadra e Besës ka regjistruar tre pikë të reja duke e mposhtur Drenicën me rezultat 2-1 në stadiumin “Shahin Haxhiislami” në Pejë.
Pejanët kaluan të parët në epërsi me golin e Xhevdet Shabanit, i cili shënoi me kokë në minutën 37’, duke e mposhtur portierin Sadiku.
Vetëm katër minuta më vonë rezultati u barazua me golin e Mërgim Rexhajt, që po ashtu realizoi me kokë.
Në pjesën e dytë, përkatësisht në minutën 52’, Besa fitoi penallti pasi Xhevdet Shabani u ndal në mënyrë të palejuar nga mbrojtja drenicake, ndërsa penalltinë në gol e shndërroi Diar Miftaraj për ta kaluar skuadrën e tij për herë të dytë në epërsi.
Besa ishte afër golit të tretë në minutën 65’, por goditja e Xhevdet Shabanit u ndal në shtyllë dhe kështu ndeshja përfundoi me rezultat 2-1.
Me këtë fitore Besa tani ka 24 pikë dhe renditet në pozitën e pestë, kurse Drenica, e cila mbetet në 17 pikë, bie në pozitën e tetë.
