BALLKANI - FLAMURTARI
Flamurtari fiton në tavolinë, ngjitet në krye të tabelës
15 November, 2016 @16:32
Ndeshja e ndërprerë e xhiros XIV në Ligën e Parë ndërmjet Ballkanit të Suharekës dhe Flamurtarit të Prishtinës, është regjistruar me rezultat zyrtar 3-0 në të mirë të skuadrës mysafire sipas vendimit të Komisionit të Garave të Ligës së Parë.
Kjo ndeshje ishte ndërprerë në minutën 34’ për shkak të rrëmujës së krijuar nga hyrja e disa shikuesve në fushë dhe sulmit ndaj lojtarëve mysafirë.
Në bazë të arsyetimit nga Komisioni i Garave, ekipi nikoqir ka pasur detyrim të bëjë organizimin dhe sigurimin e ndeshjes, të cilin nuk e ka kryer ashtu sic duhet në pajtueshmëri me Propozicionet e Garave.
Ky rezultat, e ka ngjitur Flamurtarin në krye të radhitjes tabelare të Ligës së Parë, tani me tri pikë më shumë se ndjekësi më i afërt, Vëllaznimi.
