Hajvalia del nga fundi, barazon me Prishtinën

Skuadra e Hajvalisë me lojë të fortë nëpër mot të ftohtë sot ka arritur të mbajë portën e saj të paprekur dhe ka barazuar me Prishtinën pa gola, në duelin e parë të xhiros së XIV të Superligës.

Me këtë barazim, të dyja skuadrat kanë marrë nga një pikë, derisa Hajvalisë kjo pikë i ka shërbyer për të dalë nga fundi i tabelës, derisa Prishtinën e ka ndalë të kalojë së paku sot në krye të klasifikimit.

TABELA AKTUALE

Raste kanë pasur të dyja skuadrat sot, por portierët dhe mbrojtjet e skuadrave kanë qenë në nivel të detyrës, hiç disa raste kur sulmuesit gjuajtën lart mbi portë.

E krejt në fund, Hajvalia pati dy raste ideale për të shënuar me kundërsulme, por portieri Alban Muçiqi njërën e mbrojti, e tjetra shkoi lart mbi portë nga tentimi i Malokut.