Karahoda dhe Dautaj, çojnë Besën në gjysmëfinale

Besa është futur në katër ekipet më të suksesshme të Kupës së Kosovës për këtë stinor. 

Ekipi pejan relativisht lehtë ka mposhtur kundërshtarin nga Liga e Parë, Llapin, me rezultat 2-0 sot në Shahin Haxhiislami të Pejës për të siguruar gjysmëfinalen e Kupës së Kosovës. 

Sulmuesi prizrenas, Fatih Karahoda, i ka dhënë epërsinë e hershme Besës, me golin e tij në minutën e shtatë të takimit pas një asistimi të Fetim Kasapit, ndërsa 10 minuta pa përfunduar ndeshja, ish futbollisti i  Ferizajit, Qëndrim Dautaj, i ka dhënë vulën takimit duke dërguar ekipin e drejtuar nga Arbnor Morina në gjysmëfinale të Kupës. 

Besa, bashkë me Drenicën, Ferronikelin dhe Trepçën’89 janë skuadrat që do të luftojnë për trofeun e Kupës këtë stinor.