‘Kam ekipin më të mirë në botë’

Përballje tepër interesante pritet të jetë sonte në Santiago Bernabeu, ku takohen dyshja madrilene, Real dhe Atletico. 

Skuadrat që u përballën në finalen e kaluar të Ligës së Kampionëve dhe fitues doli Reali, do të kuptojnë sonte se kush vazhdon tutje për gjysmëfinale. 

Real Madrid është ekipi më i në botë, kështu së paku thotë trajneri i ekipit, italiani Carlo Ancelotti. 

“Kam ekipin më të mirë në botë. Kemi mungesa, por jemi të motivuar shumë. Ne vetëm duhet të implementojmë planin taktik në fushë dhe të shkojmë tutje,” ka thënë Ancelotti para ndeshjes së sontme. 

Atletico në anën tjetër vjen si konkurrues në Santiago pas barazimit në ndeshjen e kaluar 0-0. 

Ekipi i Diego Simeones nuk ka humbur asnjë përballje ndaj Realit këtë stinor, ku janë takuar deri më sot, shtatë herë (në të gjitha garat e mundshme). 

“Presion nuk kemi, por kemi përgjegjësi para kësaj ndeshjeje të rëndësishme. Çdo ekip nuk mund të arrijë këtu. Kam shumë lojtarë të mirë në mbrojtje dhe do të provojmë me kundërsulme që të lëndojmë Realin,” është shprehur trajneri argjentinas i Atleticos para takimit. 

Real Madrid do të duhet të fitojë (përveç rezultatit 0-0, që çon në vazhdime), derisa Atletico Madridit do t’i konvenojë përveç fitores edhe çdo barazim me gola në këtë takim për të arritur gjysmëfinalen e dytë me radhë në Ligë të Kampionëve. 

Formacionet e mundshme: