ONIX - BESA
Besa s’gabon, kryesimi vazhdon
3 November, 2018 @15:36
Besa e Pejës ka vazhduar me formë të mirë në Ligë të Parë të Kosovës dhe me fitore ndaj Onixit në Demush Mavraj të Istogut sot, ka siguruar kreun e klasifikimit edhe për javën në vazhdim.
Pejanët kanë shënuar fitore 2-0 ndaj Onixit që dukej në formë të mirë gjithashtu, por përvoja në fund foli në emër të ekipit të Besës, që me tri pikët e radhës ka kapur kuotën e 27 pikëve pas 12 xhirove të para të stinorit në Ligë të Parë.
Besa njëkohësisht, ka shënuar fitoren e pestë në gjashtë ndeshjet e fundit në Ligë të Parë.
Në anën tjetër, për Onixin kjo ka qenë humbja e tretë e stinorit dhe një hap prapa sa i përket kërkimit të katërshes kryesore në renditje me synim Superligën.
