BESIKTAS vs KONYA
Futbollistët e Besiktasit duke festuar pas ndeshjes/ Foto: Besiktas Official
Besiktasi ruan lidershipin me fitore të thellë
30 January, 2017 @23:51
Besiktasi nuk ka lënë vend për të humbur kreun e tabelës, duke shënuar fitore sonte dhe atë të thellë ndaj Konyasporit në Vodafone Arena të Stambollit.
Ryan Babel hapi serinë e golave për Besiktasin, ndërsa pas golit të Oguzhan Ozyakup, Cenk Tosun shënoi hat-trick për fitoren 5-1 në fund të ekipit bardhezi nga Stambolli, që po kërkon mbrojtjen e titullit.
Pas kompletimit të xhiros XIX, Besiktas udhëheq Superligën turke me 44 pikë, 2 më shumë sesa Istanbul Basaksehiri. Galatasaray është i treti me 39 pikë. Ndërsa Fenerbahçe ka mbetur prapa pas humbjes së fundit, në vend të katërt me 35 pikë.
Foto: Cenk Tosun, njeriu i hat-trickut sonte/ Besiktas Official
