Bileta e fundit e Superligës, për Dritën

Drita mbetet në Superligë. Ekipi gjilanas ka arritur të sigurojë epitetin e ekipit elit, duke mposhtur Flamurtarin pas penalltive. 

Më meritor për fitoren e Dritës ka qenë Artan Latifi, portieri kapiten i gjilanasve, që ka mbrojtur dy penallti të rivalit në barazh për t’ia lehtësuar punën në fund, Ismet Ramushit që shënoi për të mbetur në elitë. 

Ekipi i Dritës dominoi në pjesën më të madhe të ndeshjes. Raste kishin gjilanasit, por portieri i ri i Flamurtarit, Lirim Ajdini, ka mbrojtur raste të cilat çuan ndeshjen në vazhdime. 

E vazhdimet ia nisën me epërsi të ekipit prishtinas. Pas një korneri, Alban Bojniku godet topin me kokë, që shkoi në portën e Artan Latifit, pa gjasë për tu mbrojtur. 

Drita u mobilizua shpejtë dhe nxorri një penallti kur Përparim Osmani u rrëzua në zonë. Mensur Limani shutoi, Ajdini e devijoi topin, por jomjaftueshëm për të penguar golin dhe që në 15 minutëshin e parë të vazhdimeve, ndeshja ishte 1-1. 

Në 15 minutëshin e dytë, rrjetat mbetën të paprekura dhe penalltitë vendosën ekipin që do të fitojë biletën e fundit për stinorin 2015/16 në Superligë. 

PENALLTITË: