CHELSEA + DIEGO COSTA
Diego Costa duke shënuar/ Foto: premierleague.com
Bisedime të nxehta
15 February, 2017 @14:36
Mediat britanike para pak çastesh kanë nisur raportimet, që burojnë nga Sky Sport, se lideri i Premier Ligës, Chelsea është në bisedime të nxehta me sulmuesin e ekipit, Diego Costa.
Në korrik të vitit 2014 Diego Costa erdhi për 40 milionë euro nga Atletico Madrid. Ai sot është njeriu kyq i skuadrës së drejtuar nga Antonio Conte dhe ka shënuar 15 gola në 23 ndeshje kampionale, kurse Chelsea është lider i pastër në elitë.
Chelsea po kërkon vazhdim të kontratës me lojtarin. E lojtari me pasaportë spanjolle i lindur në Brazil, ditë më parë ka refuzuar ofertë marramendëse nga Superliga kineze.
Sulmuesi 28 vjeç është cilësuar si lojtari më i mirë në botë në lojën pa top, nga ish-trajneri i tij te Atletico Madrid, Diego Simeone.
Edhe Costa po kërkon vazhdim, por çështja financiare dhe afati i kontratës së re cilësohen si kyqe në tavolinë me sulmuesin karizmatik që shpeshherë është edhe agresiv.
Diego Costa në Premier Ligë:
| 2014/15 | 20 gola | ||
| 2015/16 | 12 gola | ||
| 2016/17 | 15 gola (pas 24 xhirove) |
