PËRGATITORE
Brazili mposht Serbinë
7 June, 2014 @0:01
Brazili ka vazhduar me fitore ndeshjet përgatitore para Kampionatit Botëror. Kareokët kanë shënuar fitore ndaj Serbisë me rezultat minimal në Sao Paulo.
Ka qenë sulmuesi Fred i cili ka shënuar golin e vetëm të takimit, që edhe përcaktoi fatin e kësaj miqësoreje.
Luis Felipe Scolari, selektori brazilian ka nisur ndeshjen me treshen sulmuese Fred, Hulk dhe Neymar, derisa kah fundi i ndeshjes ka ndërruar Fredin me Jo-në dhe Neymarin me Bernardin 15, përkatësisht 10 minuta para fundit të takimit.
Brazili llogaritet si favorit për të fituar Kupën e Botës kësaj radhe, derisa Serbia nuk ka arritur të kualifikohet fare në Botëror.
Serbia është në të njejtin grup me Shqipërinë për kualifikime në europianin e radhës, EURO 2016.
