Brighton ndal Chelsean, derisa kishte dramë jashtë stadiumit

Chelsea i është kthyer pozitës së katërt në Premier Ligë, që dërgon në Ligë të Kampionëve stinorin tjetër, pas barazimit me Brightonin jashtëzakonisht të disiplinuar në Stamford Bridge.

Në natën, ku drama ndodhte para Stamford Bridge-it, derisa qindra tifozë ndalën autobusin e ekipit të Chelseat duke kërkuar largimin nga Superliga Evropiane — lojtarët nuk u dukën aq të motivuar për bërë më shumë dhe Brighton kapi pikën me 0-0 përfundimtare.

Tifozët u qetësuan vetëm pasi drejtori teknik i ekipit, Petr Cech, doli për të folur me ata. Ndërsa në nëdrkohë po pritet zyrtarizimi i njoftimit se Chelsea do të tërhiqet nga pjesëmarrja në Superligën Evropiane.

TABELA AKTUALE

“Pikë e madhe në fushë të lojës,” ka shkruar Brighton pas barazimit me Chelsean në Twitter, duke thumbuar skuadrat që kërkonin pjesëmarrjen në Superligë Evropiane.

NOTAT E FUTBOLLISTËVE:

Chelsea: Arrizabalaga 6, Zouma 7, Christensen 6, Rudiger 7, James 5, Jorginho 7, Mount 6, Alonso 7, Ziyech 5, Havertz 6, Pulisic 6. REZ. Werner 5, Hudson-Odoi 6, Giroud 5.

Brighton: Sanchez 7, Veltman 7, Webster 5, Dunk 7, Burn 6, White 6, Bissouma 7, Gross 7, Mac Allister 6, Trossard 5, Welbeck 6. REZ. Lallana 6, Maupay 5, Moder n/a.