Bruno Alves në Fenerbahçe

Qendërmbrojtësi 31 vjeçar, Bruno Alves, karrierën e tij do ta vazhdojë te nënkampioni i Turqisë, Fenerbahçe.

Lajmi është bërë i ditur edhe nga faqja zyrtare e ekipit turk, ku ndër tjera thuhet se me portugezin është nënshkruar kontratë 3 vjeçare.

Alves së fundi ka luajtur te skuadra ruse, Zenit, me të cilën ka pasur 21 paraqitje në stinorin që e lëmë pas të Premier Ligës ruse.

Bruno Alves është transferimi i dytë i Fenerbahçes për stinorin e ardhshëm, pasi ditë më parë kishte përfunduar edhe transferimi i mesfushorit 22 vjeçar, Alper Potuk, nga skuadra Eskisehirspor.