Buletini 21: Përmbytja e ishullit

7+

Ndeshja Francë-Islandë regjistroi rekord në këtë kampionat. Për herë të parë një ndeshje në EURO 2016, përfundoi me shtatë gola të shënuara, përkatësisht 5-2 për Francën.

FUNDI I ËNDRRËS

Ëndrra europiane e Islandës, përfundoi me një humbje të thellë nga nikoqirët, françezët. Por pavarësisht kësaj humbjeje, Islanda u tregua krenarë për arritjet. Tifozët e saj u larguan me zë dhe me krenari nga EURO 2016.

Iceland fans leave loud and proud. #EURO2016 #FRAISL pic.twitter.com/jwfeBJYXSs

— ESPN FC (@ESPNFC) July 3, 2016

GRIEZMANN

Njërin prej pesë golave të Francës, e shënoi edhe Antoine Griezmann, gol ky i cili e bëri atë aktualisht golashënuesin më të mirë në kampionat me katër gola të shënuara. Përveç kësaj, ky ishte edhe goli i 100-të në EURO 2016.

PUTHJA FRANÇEZE

Dashuria ndërmjet futbollistëve të Francës, Griezmann dhe Payet, ka arritur në një nivel tjetër. Atë që ia bëri më parë Payet Griezmannit, puthjen e këmbës pas golit të shënuar, Griezmann ia ktheu në mënyrë të njëjtë pas golit të Payet.

RRUGËTIMI FANTASTIK

Pas eliminimit të Islandës, një falenderim erdhi edhe nga futbollisti Ari Freyr Skulason. “Nuk di çfarë të them. Por dua të falenderojë të gjithë ju për përkrahjen në UEFA EURO. Ishte një rrugëtim fantastik,” ka shkruar ai në Twitter.

EKIPI QË E MPOSHTI ANGLINË

Gazeta britaneze, Daily Mail, ka bërë një krahasim të veçantë në titullin e ndeshjes Francë-Islandë. Franca 5, ekipi që e mposhti Anglinë 2, ka shkruar ajo.

GJYSMËFINALET

Tani përpara i kemi ndeshjet e gjysmëfinales. E aty do të jenë dy përballje të forta Portugali-Uells dhe Gjermani-Francë. Fundi po afrohet…