Carvajal jashtë për gjithë sezonin

Real Madridi zyrtarisht njoftoi sot se Dani Carvajal, pësoi një lëndim të muskujve në ndeshjen e së martës kundër Chelsea dhe do të jetë jashtë fushe për të paktën tri javë.

Spanjolli u përpoq të vazhdonte, por duhej të zëvendësohej nga Odriozola në ndeshjen kundër ekipit nga Londra. Të enjtën ai nuk është stërvitur me pjesën tjetër të skuadrës sepse i është nënshtruar testeve mjekësore që kanë konfirmuar shkallën e saktë të lëndimit.

Carvajal ka qenë në gjendje të luajë vetëm 15 ndeshje zyrtare këtë sezon, duke qenë kështu sezoni i tij më i keq që kur bëri debutimin e tij në Madrid në sezonin 2013-14.

Me humbjen e tij, Zidane e gjen veten me një problem serioz në anën e djathtë. Pothuajse gjatë gjithë mungesës së Danit, ai ka përdorur Lucas Vázquez, por ai gjithashtu i ka thënë lamtumirë sezonit pas lëndimit të gjurit të pësuar në El Clasico.