E PARA NË RAJON
Ceferin nesër në FFK
16 August, 2017 @8:11
Kryetari i UEFA-së, Aleksander Ceferin, nesër do të kryejë vizitë një ditore në Kosovë, ka bërë të ditur FFK-ja përmes një komunikate dërguar në redaksinë tonë.
Ceferin, përveç se do të vizitojë zyret e FFK-së, do të jetë i pranishëm edhe në kryeministri ku do të ketë takim me kreun Ministrisë përkatëse.
Më pas, ai do të vizitojë për të parë nga afër edhe stadiumin e Prishtinës, ndërsa pas saj në ora 15:00 do të mbajë një konferencë për shtyp në zyret e FFK-së, para se të kthehet.
Slloveni Ceferin që erdhi pas Michel Platinisë në krye të UEFA-së, do të qëndrojë 1 ditë në Kosovë bashkë me tre zyrtarë të lartë të UEFA-së, emrat e të cilëve nuk janë bërë të ditura nga FFK-ja.
Përndryshe, kjo është vizita e parë që e bën Ceferin këtu në Kosovë, por edhe në rajonin e Ballkanit, si kryetar i UEFA-së.
