Celina në pritje të futbollistëve jashtë vendit

Përzgjedhësi i përfaqësueses U21 të Kosovës, Erdogan Celina, ka dhënë një deklaratë pas ndeshjes së sotme kontrolluese ndaj skuadrës së Dritës.

RAPORTI I NDESHJES

Tekniku prizrenas ka vlerësuar futbollistët e përzgjedhur, derisa bëri të ditur ekipit pritet t’i shtohen edhe futbollistë të rinj që luajnë jashtë vendit.

“Ky ishte grumbullimi ynë i parë për këtë vit me lojtarët vendor. Qëllimi i kësaj ndeshje ka qenë që të shohim sa janë futbollistët të përgatitur dhe në çfarë forme janë. Në këtë ndeshje e kemi parë atë çfarë kemi dashur të shohim nga këta djelmosha. I kemi edhe 40 ditë deri te fillimi i kualifikimeve dhe duhet të përgatitemi sa më mirë dhe t’i evitojmë disa dobësi. Shpresojmë se grupit tonë do t’                          i bashkohen edhe disa futbollistë që luajnë jashtë në mënyrë që ta bëjmë një ekip sa më kompakt,” ka thënë Celina.