SERGIO AGUERO - INJURY UPDATE
Foto: mancity.com
City zyrtarizon lëndimin e Agueros
29 September, 2017 @10:36
Skuadra e Manchester Cityt ka konfirmuar lëndimin e yllit të skuadrës së tyre, Sergio Aguero, në një aksident rrugor të enjten.
Ekipi anglez ka bërë të ditur gjithashtu se Aguero sot do të arrijë në Manchester dhe statusi i tij shëndetësor do të përcaktohet pas testeve mjekësore nga mjekët e klubit, për të përcaktuar seriozitetin e lëndimit të tij.
“Sergio Aguero do të kontrollohet sot nga mjekët e klubit pasi që ka përjetuar një aksident trafiku të enjten,” ka shkruar ndër të tjera faqja zyrtare e ekipit, mancity.com.
Mungesa potenciale e Agueros dhe kohëzgjatja për kthimin e tij në fushë të lojës, do të bëhet e ditur nga faqja zyrtare e ekipit, pas kontrolleve mjekësore, mbyll njoftimin City.
