COPA DEL REY
Debuton djali i Zidanet
30 November, 2016 @20:13
Në takimin që Reali po e luan ndaj inferiorëve të Leonesas në kuadër të 1/16 të Copa Del Rey, në fushë është inkuadruar edhe Enzo Zidane, djali i trajnerit dhe legjendës franceze Zinedine Zidane.
Enzo llogaritet si një lojtar me të ardhme të ndritur dhe tash e sa vite bën pjesë në skuadrat zinxhirë të Real Madridit e debutimi i tij erdhi pikërisht sonte.
Ndeshja që po luhet sonte është ndeshja kthyese e raundit të 1/16, ndërsa në ndeshjen e parë Reali kishte fituar me rezultat të thellë 7-1 dhe ndeshja e sontme po luhet vetëm sa për statistika.
Rezultati momental është 3-1 për klubin mbretëror.
