Derbi i takon Partizanit

Me fitoren e Partizanit u mbyll derbi i shumëpritur i Tiranës!

‘Të Kuqtë’ e kryeqytetit kaluan të parët në epërsi me golin e Malotës, ndërsa përkundër rasteve të tjera nga të dyja skuadrat, pjesa e parë u mbyll 1-0. Madje pak para golit, Partizani e goditi edhe shtyllën përmes Fejzullahut.

Me të filluar pjesa e dytë, Tirana barazoi përmes Teqjës, i cili e shfrytëzoi një gabim të Alban Hoxhës dhe shënoi një gol të lehtë. Rastet vazhduan edhe më tutje, ndërsa goli i fitores për Partizanin u shënua në minutën e 71’, moment në të cilin sulmuesi afrikan, Ekuban, shfrytëzoi një pasim të mirë nga Torasa dhe i dha fitoren Partizanit.

Kjo fitore bën që Partizani ta vazhdojë ndjekjen e dyshes kryesuese, kurse Tirana mbetet në mesin e tabelës edhe më tej.

TABELA AKTUALE FSHF SUPERLIGA