Dështimi i stinorit!

Skuadra e Vitoria Guimaraes ka arritur të shënojë fitore në finale të Kupës së Portugalisë ndaj Benficës 2-1, për herë të parë në histori të klubit. 

Ndeshja finale e zhvilluar dje në stadiumin kombëtar të Lisbonës, përfundoi me fitoren e skuadrës shumë më të vogël se gjiganti portugez, Benfica. 

Shqiponjat e Lisbonës edhe spe e filluan ndeshjen furishëm dhe kishin gjithçka nga loja, në fund u desht të dalin për herë të tretë kokulur nga stadiumi në finalet e këtij stinori. 

Nicolas Gaitan dërgoi Benficën në epërsi në minutën e 30-të të ndeshjes, por dy golat e shpejtë në dhjetëminutëshin e fundit nga futbollistët e Vitorias - ua sollën atyre kupën e parë në histori. El Soudani (80’) dhe Ricardo Pereira (82’) prishën tërësisht ëndrrat e Benficës në këtë stinor. 

Benfica një xhiro pa përfunduar kampionati portugez edhe pse kishte dy pikë epërsi nga Portoja, humbi derbin ndaj Portos në sekondat e fundit të ndeshjes, që çoi Porton në krye të tabelës - me ç‘rast humbi titullin e kampionit. 

Në finale të Europa League, u mposht nga Chelsea i Londrës në sekondat e fundit të ndeshjes kur serbi Branislav Ivanovic shënoi me kokë - e dje, ishte kapaku i tërë dështimit të stinorit, pasi që Vitoria konsiderohej si autsajder total në finale.