WOLFSBURG 0-2 DORTMUND
Dortmundi në formë, pret gabimin e Bayernit
23 May, 2020 @17:53
Forma e mirë e Borussia Dortmundit vazhdoi edhe në ndeshjen kundër Wolfsburgut, duke e mposhtur kundërshtarin me rezultat 0-2.
Raphael Guerreiro, sikurse në javën e kaluar, edhe në këtë xhiro ka shënuar për skuadrën e Dortmundit, pas një asistimi të Thorgan Hazardit në minutën e 32’.
Në minutën e 78’ rezultatin e vulosi Achraf Hakimi, kurse asistuesi ishte zëvendësuesi Jadon Sancho. Për Sanchon ky ishte asistimi i 16 në 24 ndeshjet e luajtura.
Kjo ishte fitorja e gjashtë rresht për Borussia Dortmundin në Bundesligë.
Dortmund me këtë fitore ngritet në kuotën e 57 pikëve, një më pak se lideri me një ndeshje më pak Bayern Munchen, që do të takohet sot me fillim nga ora 18:30 kundër Eintracht Frankfurt.